44-օրյա պատերազմի ընթացքում Ավստիայից Հայաստան ուղարկածս օգնությունն այդպես էլ տեղ չի հասել, ասում են, որ… Գևորգ Գրիգորյան

44-օրյա պատե րազմի ընթացքում Ավստիայից Հայաստան ուղարկածս օգնությունն այդպես էլ տեղ չի հասել

Tert.am-ը գրում է․ Քառասունչորսօրյա պատ երազմի ընթացքում Ավստիայից օգնություն եմ Հայաստան ուղարկել՝ տեղի ՀՀ դեսպանության միջոցով, բայց ուղարկածս օգնությունն այդպես էլ տեղ չի հասել, անհետացման պատճառը որևէ մեկը չի ասում, ասում են՝ պետական գաղտնիք է: Այս մասին այսօր Tert.am-ը տեղեկացավ Ավստրիայում բնակվող գործարար Գևորգ Գրիգորյանից:

Գրիգորյանի խոսքով՝ օգնության բեռի մի մասը նախատեսված է եղել «Սև հովազ» կամավորական ջոկատի համար, բայց ջոկատին այդպես էլ ոչ մի բան չի հասել: «Մենք որպես հայ պետք է անեինք այն, ինչը մեզնից հասնում էր, երբ հասկացա, որ տղաները շաբաթներով դրսում են քնում, հնարավորություններ չկային, իհարկե, հասկանում էինք պատ երազմական վիճակը, ես շատ արագ կողմնորոշվեցի, որ պետք է վրաններ, դիմացկուն ներքնակներ ուղարկել:

Կազմակերպեցինք, ինձ հատուկ վրաններ, ներքնակներ տրամադրեցին, ուղարկելու հետ կապված միակ խնդիրը քանակն էր, քանի որ ինքնաթիռով պետք է ուղարկվեր»,-ասաց նա ու հավելեց, որ ուղարկվող բեռը փոխանցել էր ընկերոջը, որ Ավստրիայի օդանավակայան հասցնի:

Գևորգ Գրիգորյանը նշեց, որ իրեն մի քանի անգամ ավելի վրան ու ներքնակ են տրամադրել. «Ինձ մոտ ցուցակ ունեմ, որտեղ գրված է, որ ուղարկվելու է 160 ներքնակ և երեսուն վրան: Ես ասել էի, որ եթե բեռն ուղարկեմ, ապա դրա տասը տոկոսը պետք է փոխանցվի «Սև հովազ» ջոկատին, իսկ մնացածի ճակատագիրը պետք է որոշի ՀՀ-ն:

հումանիտար օգնություն Մի քանի օր անցավ, զանգեցի՝ ճշտելու, թե ինչ կա օգնությունից, ընկերս ասաց, որ ապրանքը շատ է, չի գնում, մի շաբաթ սպասել է պետք: Օդանավակայանից սակայն մինչ այսօր ինձ չեն տվել թուղթ, որ ՀՀ իմ անունից 1600 կգ ապրանք է մտել, ասում են՝ պետական գաղտնիք է, սակայն շուտով դա էլ կբացահայտվի»:

Ավստրիահայի խոսքով՝ տեղի Հայաստանի դեսպանատնից փոխանցել էին, որ այդ ընթացքի տուգանքները պատրաստ են իրենք վճարել, իսկ բեռն ուղարկում են Հայաստան, նա նշեց, որ լսած լուրն ուրախալի էր, բայց 1-2 շաբաթ անցան Հայաստանից զանգում են ու ասում, որ իրականում, օգնության կարիքը շատ է զգացվում:

«Ինձ դեսպանատնից աբսուրդ բացատրություններ են գալիս, տեղեկություններ են հասնում, որ այս ողջ գործընթացը կառավարվում էր Ավստրիայում Հայաստանի դեսպանի կնոջ միջոցով, ասում եմ՝ ո՞նց դեսպանի կնոջ միջոցով, բա դեսպանը կամ դեսպանի կինն ի՞նչ իրավասություն ունի այս իրավիճակը կարգավորելու համար: Ասաց՝ ինչ-որ խնդիրներ են եղել, ասում եմ՝ ինչ խնդիրներ, ասում են՝ արգելված դեղամիջոցներ են ուղարկվել, որն իբր թե իմ անունով ուղարկված բեռն է»,- ասաց նա:

Добавить комментарий

Ваш e-mail не будет опубликован. Обязательные поля помечены *